Manchester United tekur á móti Leicester City í 5. umferð ensku úrvalsdeildarinnar á morgun. Gestirnir hafa byrjað tímabilið vel og eru í 3.sæti fyrir leik morgundagsins. United geta jafnað Leicester að stigum með sigri á morgun en okkar menn sitja í 8.sæti deildarinnar. Þetta er alltaf að fara að vera erfiður leikur fyrir United en verður mun erfiðari en búist var við eftir fréttir dagsins. Paul Pogba, Anthony Martial, Luke Shaw, Diogo Dalot og Bailly eru frá en Wan-Bissaka og Jesse Lingard eru tæpir sem getur þýtt ansi skrautlegt byrjunarlið hjá heimamönnum. Byrjunarliðið sem ég vildi helst fá er:
Leicester hefur unnið 2 leiki og gert 2 jafntefli. Markatala liðsins er 6:3 en markatala United 7:4. Leicester hefur unnið Bournemouth og Sheffield United en gerðu jafntefli við Chelsea og Wolves. Jamie Vardy er farinn að skora aftur og mun verða erfiður ásamt James Maddison sem orðaður hefur verið við Manchester United að undanförnu. Vörnin hjá Leicester hefur verið frekar traust en það hefur svo sem ekki reynt alltof mikið á þá félaga Jonny Evans og Çağlar Söyüncü í hjarta varnarinnar. Líklegt byrjunarlið Leicester:
Leikurinn hefst klukkan 14:00
Heiðar says
Er eitthvað í loftinu í rauða hluta Manchester sem veldur þessum endalausu meiðslum?! Þetta var nákvæmlega eins síðustu árin hjá Fergie. Hver man ekki eftir Phil Neville, John O’Shea og Fabio á miðjunni eða þegar að Ryan Giggs þurfti að spila vinstri bakvörð!
Á sama tíma er afar lítið um meiðsli hjá LFC. Gomez og The Ox voru jú meiddir á síðasta tímabili en það er ekki eins og að það séu ekki til betri leikmenn í klúbbnum en þeir !
MSD says
Úff maður horfir á þessa uppstillingu á miðjunni hjá Leicester og áttar sig á því að þeirra miðjumenn eru svo miklu betri en það sem við höfum upp á að bjóða.
Væri alveg til í að sjá Gomez fá tækifærið líka í þessum leik. Mætti þá koma inn í holuna fyrir Mata síðar í leiknum þegar sá spænski fer að fara hægar yfir völlinn…já eða enn hægar yfir völlinn er sennilega réttara að segja.
Nú þarf Freddi að stíga upp og gera eitthvað af viti. Hann fær ekkert að vera súkkulaði lengur þó hann sé brasilískur og heiti sama og lukkutröllið okkar. Drulla sér í gang þetta season, ef það gerist ekki þá þarf hann bara að drífa sig annað. Rándýrt lukkutröll frá Mourinho.
Ég ætla að tippa á jafntefli, því miður.
gummi says
Er hræddur um að Leicester séu bara of sterkir fyrir okkur eins og staðan er í dag
afglapi says
Afar lítið um meiðsli hjá LFC? Einhvern myndi muna um Alisson og Keita, báðir í langtímameiðslum.
Af þeim leikmönnum United sem verða frá á morgun er einungis Bailly í langtímameiðslum og tæplega væri hann að fara að spila þennan leik þó heill væri.
Hér er listinn frá síðustu mánuðum, það má deila um hvort þetta telist að lítið sé um meiðsli.
3 af 4 miðvörðum frá í meira en 400 daga samtals.
https://www.anfield-online.co.uk/squad/lfc-injuries.html