Nú vitum við að það er einn leikur eftir í vor sem skiptir máli og það er ekki leikurinn á morgun. Úrslit gærdagsins, þegar Chelsea tryggði sér titilinn. þýða líka að þessi leikur skiptir Tottenham Hotspur engu máli, nema jú, þetta er síðasti leikur liðsins á gamla White Hart Lane. Í vetur hefur hluti af nýja leikvanginum risið í kringum þann gamla og á mánudaginn ráðast vinnuvélar á þann gamla og Spurs fer í eins veturs útlegð á Wembley. Að því loknu flytja þeir aftur á nýja 61 þúsund manna völlinn og vonast til að það færi þeim aukin peningavöld. Það kemur í ljós.
Celta de Vigo 0:1 Manchester United
Liðið var ekki eins og ég spáði í gær, en það var samt nákvæmlega ekkert sem kom á óvart. Að Fellaini og Lingard sé treyst í stórleik er nákvæmlega það sem við var að búast, Jones var ekki nógu góður til að fara á bekkinn og það er of mikið að hafa báða miðverðina nýstigna upp úr meiðslum.
Varamenn: De Gea, Smalling, Young, Carrick, Mata, Martial, Rooney
Celta de Vigo spilaði enda 4-3-3 og þétt miðja var það sem sú leikaðferð kallaði á frá United.
Undanúrslit Evrópudeildarinnar á morgun
Lið Manchester United er komið til Spánar og mun á morgun etja kappi við Celta Vigo í undanúrslitum Evrópudeildarinnar, sem eins og staðan er í dag virðist besta leið United að tryggja sér sæti í Meistaradeildinni á næsta ári.
Síðustu leikir hafa sýnt að José Mourinho er líklega á þessari skoðun og hefur stillt upp sterkara liði í Evrópudeildinni en deildinni. Meiðslahrinan undanfarið hefur hins vegar sett strik í reikninginn og gert honum erfitt fyrir. En fréttir hermdu að Smalling, Jones, Bailly og Pogba æfðu allir í morgun og Duncan Castles sem öðrum blaðamönnum fremur ku tengdur José segir að reiknað sé með Bailly og Pogba á morgun. Við stillum því upp liðinu svona
United mætir Celta de Vigo í undanúrslitum Evrópudeildarinnar
Dregið hefur verið í undanúrslit Evrópudeildarinnar, United mætir Celta de Vigo!
Leikirnir fara fram 4. og 11. maí og United verður á heimavelli í seinni leiknum!
Celta er núna í 10. sæti spænsku deildarinnar en varð í 6. sæti í fyrra
Celta varð í öðru sæti í sínum riðli í Evrópudeildinni í haust, en hefur síðan slegið út Shakhtar 2-1, Krasnodar 4-1 , og Genk 4-3. Þetta er besta frammistaða þeirra í Evrópukeppni til þessa.
Manchester United 2:0 Chelsea
Þegar byrjunarliðið kom virtist ljóst að José Mourinho hafði ákveðið að horfa til leiksins á fimmtudaginn og hvíla Zlatan Ibrahimovic og Henrikh Mkhitaryan. Að Carrick væri hvíldur kom minna á óvart. David de Gea kom inn í liðið aftur. En raunin varð allt önnur en sú sem stuðningsfólk bjóst við og leikurinn ekki sú þrautaganga sem haldið var.
Varamenn: Romero, Blind, Fosu-Mensah, Shaw, Carrick, Mkhitaryan, Ibrahimovic