Við bíðum nú eftir mynd af Bastian Schweinsteiger í United treyjunni en síðla kvölds í gær bárust þær fréttir að Morgan Schneiderlin hefði einnig verið í læknisskoðun og að United væri nú loks að ganga frá 24m punda kaupum á honum frá Southampton. Þetta kemur væntanlega í ljós í dag og þá ætti hann að fara með liðinu í æfingarferðina til USA ásamt Matteo Darmian, Bastian Schweinsteiger og Memphis Depay.
Matteo Darmian er leikmaður Manchester United – STAÐFEST
Eftir nokkra daga bið er það loksins staðfest að Torino hefur selt Matteo Darmian til United. Darmian mun kosta um 13 milljónir punda og hefur skrifað undir 4 ára samning, samkvæmt okkar bestu vitneskju.
Matteo Darmian verður aðeins fimmti Ítalinn sem spilar fyrir Manchester United. Hinir eru Carlo Sartori sem lék með United frá 1968-1972 og var fyrsti leikmaðurinn utan Bretlandseyja til að spila með United. Hinir eru svo auðvitað markmaðurinn alræmdi Massimo Taibi, meiðslapésinn Giuseppe Rossi og MACHEEEEEDA.
Bastian Schweinsteiger verður leikmaður Manchester United
Þýski landsliðsfyrirliðinn Bastian Schweinsteiger mun skrifa undir 3 ára samning við Manchester United. Það er ljóst að leikmanninum munu fylgja töluverð gæði og reynsla sem er gífurlega mikilvægt. Kaupverð er talið vera á bilinu 6-13 milljónir punda. Þetta staðfesti Karl Heinz Rumenigge stjórnarformaður FC Bayern München á blaðamannafundi í morgun. Eina sem er eftir læknisskoðunin og ef hún gengur vel þá mun hann skrifa undir hjá Manchester United.
Podkast Rauðu djöflanna – 11. þáttur
Þáttur nr. 11 er kominn í loftið! Að þessu sinni voru Tryggvi Páll, Magnús, Björn Friðgeir og Sigurjón til tals. Mikið hefur verið rætt um Sergio Ramos í sambandi við möguleg kaup Real Madrid á David De Gea og við fórum rækilega yfir það mál ásamt því að við ræddum almennt um sumarið hingað til hjá United.
Hægt er að hlusta á þáttinn í spilaranum hér fyrir ofan auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podkast-forrit:
Leikjadagskrá Úrvalsdeildarinnar 2015/16
Leikjadagskrá deildarinnar fyrir næsta vetur er komin út. Við fyrstu sýn er óhætt að segja að hún líti bara nokkuð vel út.
Deildin byrjar snemma í ár vegna EM á næsta ári og fyrsti leikur er gegn Tottenham þann 8. ágúst
Síðan koma:
- 15. ágúst. Aston Villa (Ú)
- 22. ágúst Newcastle United (H)
- 29 ágúst: Swansea City (Ú)
Leikirnir gegn Liverpool, Arsenal, Chelsea og City dreifast nokkuð vel og það er enginn stórleikjatörn eins og við fengum í mars/apríl á sl. tímabili þegar liðið mætti Tottenham, Liverpool, City og Chelsea nánast í einum rikk.