United heimsækir Fulham í síðast leik sínum fyrir heimsmeistaramótið í Katar sem hefst 20. nóvember. Fyrir þessa umferð var United 3 stigum á eftir Tottenham í fjórða sæti og 4 stigum á eftir Newcstle en United á leik til góða á bæði þessi lið. Það er nauðsynlegt að United endi fyrri hluta mótsins á góðum nótum og helst sem næst liðunum í 3 & 4 sæti. Gestgjafar United um helgina eru Fulham menn sem hafa staðið sig ágætlega á tímabilinu en þeir sitja í 9.sæti með 19 stig jafn mörg stig og Liverpool. Það virðist sem svo að Fulham sé að hugsa um. að halda sér í úrvalsdeildinni í ár sem er ólíkt þeim þar sem undanfarin ár hafa þeir ásamt Norwich fullkomnað þá list að; gjörsamlega ganga frá Championship deildinni, komast í úrvalsdeildina, ekki geta neitt þar og falla.
Almennt
Engin Ofurdeild
Eftir ansi dramatíska tvo sólarhringa frá tilkynningu tólf stórliða evrópskar knattspyrnu um stofnun svokallaðrar Ofurdeild Evrópu virðist vera sem að allur grundvöllur fyrir tilvist hennar sé ekki lengur til staðar. Áformum þessum var mætt af mikilli andstæðu aðdáenda, leikmanna og stjóra félaganna og sameinaðist stuðningsfólk óháð því hvaða lið það styður. Í allan dag vofði yfir að tvö liðanna sex frá Englandi væri komin með bakþanka en það voru Chelsea og Manchester City.
Niðurstöður úr könnuninni
Fyrir viku síðan settum við í Rauðu djöflunum inn könnun þar sem við vildum forvitnast um álit ykkar lesenda (og hlustenda) á starfinu okkar. Nú í framhaldinu langaði okkur að fara aðeins yfir helstu niðurstöður úr þeirri könnun og hvernig við höfum hugsað okkur að tækla þær í framhaldinu.
Frábær viðbrögð
Til að byrja með langar okkur að þakka kærlega fyrir frábær viðbrögð. Það tók ekki langan tíma að ná úrvalssvörun og margir gáfu sér tíma í að koma líka með ábendingar og hugmyndir fyrir okkur. Þetta er allt mjög vel þegið og setti ákveðna hluti í samhengi fyrir okkur sem við höfðum verið að ræða okkar á milli.
VAR þetta rétt?
Það eru komnar nýjar reglur í VARsjánni og við fengum að kynnast þeim í gær.
Dale Johnson er blaðamaður á ESPN og hefur síðasta árið umfram aðra lagt sig fram um að skilja og skýra út hinar næstum óskiljanlegu reglur sem gilda um myndbandsdómana í fótboltanum. Eftir allt ruglið í gær kemur Dale til bjargar. Eitt af því sem hefur breyst er reglan um hendi varnarmanna.
As I set out before the start of the season, there are going to be a LOT more penalties for handball in the Premier League.
Opinn þráður og spurningar fyrir podkast
Næsti leikur liðsins er ekki fyrr en á mánudag, leikmenn eru að spóka sig í hinum ýmsu stórborgum heimsins þessa dagana og okkur datt í hug að bjóða upp á opinn þráð þar sem lesendur okkar geta komið með umræðupunkta að eigin vali.
Eftir síðustu leikskýrslu spruttu upp áhugaverðar umræður þar sem einn af okkar dyggustu lesendum, Auðunn Atli, kom með þann punkt að við í ritstjórn Rauðu djöflanna, og fleiri, værum of mikið að einblína á vörnina sem vandamál þegar liðið ætti frekar að horfa á aðra hluti. Hvað finnst ykkur um það? Er óþarfi að styrkja vörnina mikið ef miðjan og sóknarleikurinn fær í staðinn almennilega yfirhalningu?