Manchester United sigraði Chelsea í kvöld með tveimur mörkum gegn engu. Munurinn á liðunum fyrir þennan leik var sex stig en United hefur fengið ótalmörg tækifæri til að saxa á forystu eða hreinlega fara yfir Chelsea í deildinni. Oftar en ekki hitti það þannig á að liðin töpuðu oft stigum á sama tíma og má því segja að Chelsea hafi verið að græða á því í vetur hvað Arsena, United og Tottenham hafa verið slök.
Enska úrvalsdeildin
Manchester United fer til Stamford Bridge
Annað kvöld fer fram þriðja viðureign Manchester United og Chelsea. Fyrsti leikur liðanna tímabilinu fór fram á Old Trafford þar sem United sigraði 4:0 og gaf stuðningsfólki falska von um tímabilið framundan.
Gengi liðanna hefur verið ólíkt frá því. Chelsea er meira og minna búið að sitja í 4. sæti deildarinnar þrátt fyrir næg tækifæri fyrir United að saxa almennilega á forystuna. Svo slæmt hefur þetta verið í síðustu umferðum að United situr nú í 9. sæti og er sex stigum á eftir Chelsea og fimm stigum á eftir Tottenham sem læddist í dag uppí 5. sætið. Sigur á morgun er lífsnauðsynlegur sérstaklega ljósi þess að möguleiki er á því að 5. sætið gefi sæti í Meistaradeild Evrópu í kjölfar dóms UEFA á Manchester City. En það koma fljótlega í ljós.
Manchester United 0:0 Wolverhampton Wanderers
Nemanja Matic var í banni og það var ástæða til að henda Bruno Fernandes beint í djúpu laugina. Að auki sagði Solskjær að það að Wolves væri með fjóra Portúgala í liðinu væri ekki síður ástæða, Fernandes myndi þekkja inná þá
Varamenn: Romero, Dalot, Jones, Williams, Lingard, Chong, Greenwood
Lið Wolves var að mestu eins og búist var við
Það þurfti ekkert að koma á óvart að Wolves byrjuðu nokkur frískari ef eitthvað var. Það var enginn Brandon Williams í vinstri bakverði þannig Adama Traoré var á sínum kanti og fékk að spreyta sig gegn Luke Shaw.
Úlfarnir enn á ný.
Janúar er ekki enn búinn þegar þessi orð eru skrifuð sen samt mætum við Wolverhampton Wanderers í þriðja skipti á árinu á morgun. Það er ekki nema von að hér á skerinu hafi verið talað um hinn endalausa janúar.
En það skýrist auðvitað einfaldlega af því að United þurfti tvo leiki til að komast framhjá Wolves í þriðju umferð bikarkeppninnar. Á morgun mætast liðin aftur á Old Trafford, rúmum tveimur vikum eftir sigurinn í aukaleiknum þar. Sá sigur var dýrkeyptur því þegar Ole Gunnar reyndi að vinna leikinn með að setja Marcus Rashford inná gekk hann endanlega frá bakinu á sér og verður frá fram á vor
Manchester United 0:2 Burnley
Byrjunarlið Manchester United leit svona út.
Bekkur: Romero, Bailly, Lingard (James 69′), Dalot, Shaw (Williams 69′), Greenwood (Andreas 45′), Gomes.
Fyrri hálfleikur
Það er ekki hægt að segja byrjunarlið kvöldsins hafi beinlínis verð spennandi. Það sorglega er að þetta er líklega það besta mögulega eins og staðan er í dag með marga menn á sjúkralistanum. Leikurinn fór alls ekki illa af stað. United var að búa til færi en klaufaskapur leikmanna í vítateig Burnley hjálpaði ekki neitt og kórónar sóknarleik liðsins síðustu ár. Burnley pressuðu stíft frá fyrstu mínútu og leikáætlunin var klárlega að freista þess að skora snemma og falla svo tilbaka og verjast. Chris Wood kom gestunum loks yfir á 39. mínútu með skalla úr föstu leikatriði. Enn eitt markið sem þetta United lið fær á sig úr föstu leikatriði á tímabilinu. Aftur var liðinu refsað fyrir kæruleysi í eigin sóknarleik. Þegar flautað var til hálfleiks var staðan 0:1 Burnley í vil.