Eftir tvo frábæra sigra í röð í ensku úrvalsdeildinni er aftur kominn tími til að beina sjónum okkar að Evrópukeppninni sem liðið okkar tekur þátt í þennan veturinn. Það er komið að sjötta og síðasta leiknum í riðlakeppni Evrópudeildarinnar. United hefur þegar tryggt sér sæti í 32-liða úrslitunum en það er þó mikilvægt að halda efsta sætinu því þannig sleppur liðið við að mæta efstu liðunum í hinum riðlunum eða þeim fjórum liðum sem koma úr Meistaradeildinni með bestan árangur. Að auki myndi liðið þá fá seinni leik á heimavelli. Jafntefli dugar Manchester United til að halda efsta sætinu í riðlinum en við viljum auðvitað enda þessa riðlakeppni með sigri. Það verður dregið í 32-liða úrslitin á mánudaginn, klukkan 12:00 að íslenskum tíma.
AZ Alkmaar
AZ Alkmaar 0:0 Manchester United
United heimsækir AFAS völlinn og mætir AZ Alkmaar
Eftir enn einn leikinn sem United skorar einungis 1 mark er komið að annarri umferð riðlakeppnir Evrópudeildarinnar. Mótherjinn að þessi sinni er hollenska liðið AZ Alkmaar þar sem Albert Guðmundsson er meðal leikmanna. AZ hefur byrjað nokkuð vel í Eredivisie en liðið situr í 3. sæti deildarinnar bara einu stigi á eftir toppliðum Ajax og PSV þegar 8 umferðum er lokið.
Kantmaðurinn Albert Guðmundsson hefur leikið 4 leiki sem af er en á enn er ekki enn búinn að skora eða eiga stoðsendingar. Þess má til gamans geta að Louis van Gaal gerði AZ að meisturum tímabilið 2008-2009 og þá var Grétar Rafn Steinsson lykilmaður í liði þeirra.
Mótherjar United í riðlakeppni Evrópudeildarinnar
L-riðill
Manchester United (England)
FC Astana (Kasakstan)
FK Partizan (Serbía)
AZ Alkmaar (Holland)
Leikirnir
19. september: Astana (Old Trafford)
3. október: AZ Alkmaar (AFAS Stadion)
24. október: Partizan (Partizan Stadium)
7. nóvember: Partizan (Old Trafford)
28. nóvember: Astana (Astana Arena)
12. desember: AZ Alkmaar (Old Trafford)