Munið þið eftir þeim tíma þegar ykkur hlakkaði til að horfa á United leiki? Munið þið eftir því þegar þið fylltust ekki af tregablendnum ótta fyrir leiki gegn liðum á borð við Stoke, West Brom eða Fulham? Þetta hefur verið okkar veruleiki sem stuðningsfólk Manchester United á þessu tímabili. Síðasti leikur okkar var útileikur gegn Stoke þar sem verður að viðurkennast að hvorugt liðið spilaði vel en Stoke skoraði fleiri mörk. Það að byrja með 3 miðverði inná en enda fyrri hálfleikinn með 1 gæti hafa sitt að segja og skiptingarnar hjá Moyes voru ekki réttar. Hann ætlaði að henda í sókn en hefði kannski átt henda miðjumanni inná. En það er búið og gert.
Á morgun er næsti kafli tímabilsins, en þá koma Rene Meulensteen og læirsveinar hans hjá Fuham í heimsókn. Moyes hefur sagt að hvorki Jonny Evans né Marouane Fellaini verði með á morgun, Fellaini náði að meiða sig eitthvað í nára á meðan Evans hefur ekki jafnað sig eftir meiðslin sem hann hlaut gegn Stoke. Phil Jones gæti mögulega leikið á morgun. Rio Ferdinand gæti sennilega spilað eitthvað á morgun en ég veit ekki alveg hvort hann muni byrja.
Fulham hafa átt martraðartímabil og hafa meira segja tapað fyrir okkur. Ég vil ekki tala um hversu langt er síðan að Fulham vann United því það hefur verið algjört jinx í vetur en segi bara að United eigi að vinna og vinna örugglega.
Líklegt byrjunarlið
Ég ætla að giska á/vona að liðið verði svona uppstillt:
De Gea
Rafael Jones Vidic Evra
Carrick Fletcher
Januzaj Rooney Mata
van Persie