Eins og flestir vita hefur félagið verið að leita leiða til að auka stemminguna á Old Trafford sem á það að til að vera, tjahh, ekkert sérstök á köflum. Félagið hefur reynt ýmislegt til þess að bæta stemminguna . Í apríl á þessu ári réði félagið sérstakan hljóðsérfræðing til starfa til að kanna hvernig hljóðið bærist um völlinn auk þess sem að félagið hefur kynnt til sögunnar sérstakt svæði fyrir söngáhugamenn sem skilaði sér í frábærri stemmingu gegn Real Socied í meistaradeildinni fyrir skemmstu.
Pistlar
Hvaðan koma þeir leikmenn sem spilað hafa fyrir United? Opinn þráður
Svona fyrst það er landsleikjahlé og ekkert að gera dunduðum við okkur við að búa til svona skemmtilega skýringarmynd um þjóðerni þeirra leikmanna sem spilað hafa einn eða fleiri keppnisleik fyrir United. Annars er þetta opinn þráður þannig að ef ykkur liggur eitthvað sérstakt á hjarta má demba því hérna inn.
Áfram Ísland!
InfographicsBókarkynning: SIR ALEX – HINN MAGNAÐI FERGUSON-TÍMI HJÁ MANCHESTER UNITED 1986-2013
Það eru aldrei of margar bækur til um Manchester United á íslensku og það er Rauðu djöflunum ánægja að kynna nýja bók úr smiðju Guðjóns Inga Eiríkssonar en hann hefur áður skrifað um félagið. Kynning á bókinni fer hér á eftir og við hvetjum lesendur til að gerast áskrifendur!
—
Í nóvember kemur út bókin SIR ALEX – HINN MAGNAÐI FERGUSON-TÍMI HJÁ MANCHESTER UNITED 1986-2013, eftir Guðjón Inga Eiríksson. Þarna er rakin saga félagsins á þessum árum, jafnt innan vallar sem utan og er þetta allt í senn; skemmtilegt, spennandi (dramatískar lokamínútur) og fræðandi. Bókin verður um 220 síður, í stóru broti og prýdd fjölda mynda.
Leikaðferðir og uppstillingar
Það er ekki hægt að segja að undanfarin ár hafi Manchester United stillt upp stöðugu liði, eða að besta ellefu manna lið þess hafi verið vel þekkt. Engu að síður var uppstilling oftast nær eins, vörn, tveggja manna miðja, kantmenn sem oft komu vel inn á miðjan völlinn í sóknum, einn í holunni eða svo, og framherji.
Búast má við að David Moyes haldi að mestu uppteknum hætti, þó að eitthvað nýtt komi til. Mögulegt er að hann noti meira tvo framherja saman, frekar en að annar liggi aftur, sem sést á notkun Danny Welbeck í fyrstu leikjunum og gætu orðið góðar fréttir fyrir Javier Hernandez þegar hann verður heill.
Leikmannaglugginn 2013 – Woodward-hneykslið
Sem betur fer er alveg hreint stórundarlegum félagaskiptaglugga lokið. Í allt sumar höfum við beðið eftir að félagið léti til sín taka og myndi styrkja liðið fyrir komandi átök. Ekki veitti af. Pressan er gríðarleg á Moyes og góður gluggi hefði auðvelda honum starfið til muna. Menn létu það hinsvegar dragast til allrar mögulegu seinustu stundar að ganga frá einu alvöru kaupum sumarsins. Staðfesting á kaupum United á Marouane Fellaini, miðvallarleikmanni Everton, barst ekki fyrr en eftir lokun gluggans. Ekki það að maður sé ósáttur við kaupin á Fellaini. Hann er akkúrat sá leikmaður sem liðið vantar. Nagli á miðjuna sem gefur okkur vídd inn á vellinum sem okkur hefur alveg skort hingað til.