Björn Friðgeir skrifaði þann | 3 ummæli
Klukkan 15.45 í dag verður dregið í Meistaradeildinni.
Manchester United er að sjálfsögðu í efsta styrkleikaflokki en annars eru þeir sem hér segir.
Bayern München, Barcelona, Chelsea, Real Madrid, Manchester United, Arsenal, FC Porto, Benfica
Atlético Madrid, Shakhtar Donetsk, AC Milan, Schalke, Marseille, CSKA Moskva, Paris St-Germain, Juventus
Zenit St Pétursborg, Manchester City, Ajax, Borussia Dortmund, FC Basel, Olympiakos, Galatasaray, Bayer Leverkusen Lesa meira
Magnús Þór skrifaði þann | 2 ummæli
Þá eru félagsskipti Ángelo Henríquez frá Universidad de Chile til Manchester United loksins formlega frágengin. Nokkuð er síðan að Henríquez fékk atvinnuleyfi á Englandi og er hann því núna United leikmaður. Henríquez mun leika í treyju nr.21 í vetur. Kaupverðið var ekki gefið upp en er talið vera í kringum 4 milljónir punda.
Henríquez er fæddur 13.apríl 1994 í Santiago, Chile. Hann er uppalinn hjá Universidad og spilaði 17 deildarleiki fyrir þá og skoraði 11 mörk. Hann hefur leikið með öllum yngri landsliðum Chile, samtals 18 leiki og skorað 21 mark. Þess má til gamans að geta að hann skoraði 14 mörk í 9 leikjum með U-20 ára liði Chile. Lesa meira
Björn Friðgeir skrifaði þann | Engin ummæli
United hefur staðfest að Ángelo Henríquez er kominn með atvinnuleyfi og mun ganga til liðs við United eftir að leika sinn síðasta leik með Universidad de Chile í dag.
Henríques er 18 ára sóknarmaður sem United hefur haft forkaupsrétt á i 3 ár og hefur komið reglulega til æfinga í Manchester. Hann hefur síðasta árið slegið í gegn með La U eins og Universidad er kallað og verið lykilsóknarmaður þeirra síðasta ár sem hefur verið gjöfult. La U eru ‘Apertura’ meistarar þessa árs, en það er fyrri hluti sílensku deildarinnar. Nú er seinni hlutinn í gangi og eru La U næst efstir með leiki til góða. Einnig komust þeir í undanúrslit Copa Libertadores, suður-amerísku Meistaradeildarinnar í vor. Liðið þykir spila einhverja skemmtilegustu knattspyrnuna þar í álfu. Henríquez er búinn að skora 11 mörk í 17 deildarleikjum. Það er því ekki annað hægt að búast við öðru en góðu af pilti, en enn er óljóst hvort hann verður sendur í lán eitthvert. Það er ekki eins og við séum alveg á flæðiskeri staddir með framherja eins og stendur. Lesa meira
Vertu með í Fantasy leiknum okkar!