Á slaginu 13:05 á morgun hefst strembnasti partur tímabilsins álagslega séð. Þrír heilir leikir á 104 klst. sem er sjald séð í knattspyrnu heiminum nema þá á yngriflokka túrneringum. Fyrsti leikurinn er gegn Aston Villa í Birmingham á morgun, svo er það Leicester á þriðjudaginn og frestaði leikurinn gegn Liverpool á fimmtudaginn. Báðir þeir leikir eru á Old Trafford sem gerir þetta örlítið þægilegra miðað við aðstæður. Okkar menn eru með nokkuð þægilega forrustu í öðru sæti deildarinnar. United þarf einungis sjö stig til viðbótar úr síðustu fimm leikjunum til að tryggja það, miðað við núverandi stöðu. Miðað við gengi liðsins á tímabilinu hingað til með aðeins 4 tapleiki í deild tel ég ólíklegt að við glutrum öðru sætinu úr greipum okkar þrátt fyrir strembna leikjatörn framundann.
Aston Villa
89. þáttur – Á United að kaupa Jack Grealish?
Maggi, Björn og Þorsteinn settust niður og fóru vel yfir leikina gegn Aston Villa og Manchester City. Einnig ræddum við fráfall fyrrverandi stjórans litríka Tommy Docherty, ráðningu Darren Fletcher, kaupin á Amad Diallo og veltum því fyrir okkur hvort United eigi að festa kaup á Jack Grealish.
https://open.spotify.com/episode/2Uxb9jaEtWmEOmdHNng9ec?si=aU5ZyMtQTlSiDW07e9pr5g
Manchester United 2:1 Aston Villa
Þegar byrjunarliðið var gefið upp fyrir leik var óvíst hvaða leik uppstilling yrði fyrir valinu. Það kom eiginlega þrennt til greina: 4-4-2 með Pogba og Bruno á köntunum, 4-2-3-1 með Pogba út á vinstri kanti eða tígulmiðja með Martial og Rashford frammi. Það sem varð fyrir valinu hjá Ole á endanum var það kerfi sem hann kann best við sem er 4-2-3-1. Hjá Aston Villa kom fátt á óvart. Ross Barkley var ekki klár í leikinn og hélt því Traoré sæti sínu í liðinu. Einnig datt Hause úr liðinu eftir að hafa byrjað síðustu fjóra leiki í hjarta varnarinnar og Mings kom inn í liðið eftir leikbann.
2021 byrjar á heimavelli
Nýtt ár handan við hornið. Okkar menn hefja árið 2021 aðeins 20 tíma inn í nýja árið. Þá mætir Dean Smith með grallarana sína í Aston Villa á Old Trafford. Þetta er síðasta prófraunin í deildinni fyrir sennilega stærsta leik tímabilsins hingað til gegn Liverpool á Anfield. Með sigri gegn Villa og að leggja Liverpool síðar í janúar af velli verðum við í efsta sæti deildarinnar. Það þegar mótið verður svo gott sem hálfnað. Nú er ég hættur að prjóna yfir mig í þessum framtíðar pælingum. Snúum okkur að mótherjum morgundagsins.
Manchester United 2:2 Aston Villa
Enn og aftur tekst þessu liði að valda vonbrigðum. Spilamennska liðsins fyrsta hálftíma leiksins var hrein og bein hörmung. Aston Villa komst verðskuldað yfir snemma í leiknum með glæsimarki Jack Grealish. Eftir það héldu gestirnir áfram og voru allt eins líklegri til að bæta við marki en United af jafna. Nokkrum mínútum fyrir hálfleik átti Andreas Pereira fína fyrirgjöf í teiginn á Marcus Rashford sem skoraði með skalla en markið var einhverra hluta vegna skráð sem sjálfsmark Tom Heaton. Staðan því jöfn þegar flautað var til hálfleiks.