Scott McTominay fékk tækifæri í byrjunarliðinu í stað Ander Herrera sem satt best að segja ekki verið mjög góður í vetur og Luke Shaw byrjaði fyrsta deildarleik sinn í sjö mánuði og 13 daga. Að auki komu Phil Jones og Juan Mata inn í liðið
Varamenn: Romero, Blind, Lindelöf, Young, Ander Herrera, Ibrahimovic, Rashford
Bournemouth leit svona út, enginn Jermain Defoe í byrjunarliðinu.
Það var skítaveður á Old Trafford, líkt og á sunnudaginn síðasta, kalt og rigning og leikurinn var ekki mikið fyrir augað fyrstu mínúturnar. United var meira með boltann en Bournemouth lá aftur og treysti á skyndisóknir. Þeir fengu síðan fyrsta alvöru markskotið, De Gea varði ágætlega langskot Charlie Daniels á 21. mínútu. EN það var Romelo Lukaku sem rauf loksins markaþurrð sína með góðum skalla eftir fyrirgjöf Mata. Vakti einna helst athygli hvað Lukaku fagnaði þessu marki lítið.
Leikurinn breyttist lítið við þetta mark. United sótti gegn þokkalega sterkri vörn og Bournemouth reyndi skot þegar þeir komust í sóknir. Lukaku fékk enn að sýna hvað hann er hættulegur í eigin teig, átti mjög slæma hreinsun sem Francis átti að gera meira við en setja boltan hátt yfi
United gat ekki skapað sér færi að ráði það sem eftir var hálfleiks en undir blálokin var Fraser með hörkufæri, De Gea kominn út að markteig en Fraser var með færi á skoti utan úr teignum sem De Gea þurfti að kasta sér vel til baka tl að ná í. Gríðarvel varið en smá glannaskapur hjá De Gea sem bjóst við fyrirgjöf.
Seinni hálfleikur var ansi svipaður. Á 60. mínútu átti samt Anthony Martial að bæta við marki fyrir United, Lukaku fékk sendingu innfyrir og skaut frá vinstri, Begovic varði en Martial var fyrir opnu marki á markteig en varnarmaður náði að trufla hann og innanfótarskot Martial fór hátt yfir. Þar vantaði framherjaslútt frá Martial.
Fyrsta skipting United var kunnugleg. Rashford kom inná fyrir Martial. Skömmu síðar kom Jermain Defoe inná fyrir Bournemouth og Ander Herrera fyrir Jesse Lingard hjá United.
Bournemouth höfðu misst svolítið kraftinn úr skyndisóknunum þarna og sóknir United þyngst. Marcus Rashford átti aldeilis þrumuskotið úr teignum sem small í slánni út við stöng. Hefði verið frábært mark. En United náði ekki að halda þeirri pressu lengi og í stðainn var það Bournemouth sem fór að ybba sig og gera sig líklega uppi við mark. Phil Jones stóð í ströngu og var hvað eftir annað maðurinn sem sá um að hreinsa frá marki. Þegar vörnin gaf sig var De Gea enn eftir og hann varði gríðarvel frá Defoe úr þröngu færi.
Síðasta skipting United var Young fyrir Shaw í bakverðinum, ekki mjög spennandi skipting. Shaw hafði staðið sig ágætlega og átt góðar fyrirgjafir þó ekki yrði mikið úr því.
Síðustu mínútur leiksins var Bournemouth í stöðugri sókn. United fékk eitt færi, Lukaku skaut í Nathan Aké og í horn en það var eftir öðru að síðasta skot leiksins var frá Bournemouth, beint á De Gea og United slapp með sigur.
Þetta var ekki besti sigur United, en þrjú stig í höfn. Bournemouth átti vissulega góð færi sem De Gea sá við en United áttu líka sín færi þó færri væru, Martial og Rashford hefðu getað eða hefðu átt að skora
Miðjan McTominay og Matic var fjarri því að vera nógu skapandi og það batnaði ekkert þegar Herrera kom inn á og kerfið fór í 4-3-3 með Matic djúpan. Einn leikur án Pogba í viðbót er einum of mikið.
En Arsenal og Liverpool töpuðu stigum í kvöld og það er ekki verra. Því miður virðist það verða verkefnið í deildinni í vetur að tryggja annað sætið frekar en nokkuð annað og hvað sem öðru líður þá er það að ganga þolanlega.