Velkomin í 26. útgáfu af Rauðu djöflarnir lesa.
Byrjum á byrjuninni. Í leiknum gegn Palace um síðustu helgi sýndi Michael Carrick það að hann er sko enginn eftirbátur Zinedine Zidane í knattspyrnufræðunum. Takið eftir þessu.
Tryggvi Páll skrifaði þann | Engin ummæli
Velkomin í 26. útgáfu af Rauðu djöflarnir lesa.
Byrjum á byrjuninni. Í leiknum gegn Palace um síðustu helgi sýndi Michael Carrick það að hann er sko enginn eftirbátur Zinedine Zidane í knattspyrnufræðunum. Takið eftir þessu.
Tryggvi Páll skrifaði þann | 31 ummæli
Maður vissi ekki alveg við hverju maður átti að búast fyrir þennan leik. Síðustu ár hefur liðið verið steingelt í riðlakeppni Meistaradeildarinnar, satt best að segja var oft hundleiðinlegt að horfa á þá. Bætum því við að David Moyes hefur aldrei stýrt liði á þessu stigi knattspyrnu.
Þegar byrjunarliðið var hinsvegar birt var slegið á allan vafa og efa sem maður hafði fyrir þennan leik. Moyes stillti upp sterku byrjunarliði. Kagawa var frelsaður og fékk að byrja ásamt Fellaini. Maður fann bara á samfélagsmiðlunum eftir að liðið hafði verið birt að menn voru spenntir fyrir því að horfa á þennan leik. Byrjunarliðið var svona:
De Gea
Smalling Vidic Rio Evra
Carrick Fellaini
Valencia Rooney Kagawa
RvP
Pælum aðeins betur í liðinu og taktíkinni á eftir og rennum aðeins yfir gang leiksins.
United stjórnaði leiknum frá byrjun. Fellaini var öflugur á miðjunni og stoppaði flest það sem Leverkusen reyndi að gera. Kagawa var að finna pláss og menn voru sprækir. Á 22′ mínútu kom svo fyrsta mark leiksins. Robin van Persie dundaði sér með boltann við vinstri hornfánann í svona korter áður en hann kom boltanum á Evra sem gaf beint á Rooney. Hann gerði vel í að taka boltann á lofti og koma honum inn en líklega átti markið ekki að standa þar Valencia var rangstæður, stóð beint fyrir framan markmanninn og hafði talsverð áhrif á hann. Markið stóð og okkar menn komnir 1-0 yfir. Þannig stóðu leikar í hálfleik og fátt sem benti til annars en að United myndi sigra þennan leik. United var að spila taktískan og agaðan leik og Leverkusen átti engin svör.
Seinni hálfleikur var opnari en sá fyrri enda. Wayne Rooney klúðraði færi ársins þegar hann gaf/skaut fyrir opið markið og tókst hvorki að hitta markið né gefa á van Persie. Þetta hefði getað reynst dýrkeypt þar sem Leverkusen menn brunuðu í sókn og skoruðu mark beint í andlitið á okkur. Simon Rolfes átti fallegt skot og jafnaði metin. Eftir markið lifnaði aðeins yfir Þjóðverjunum og þeir voru nálægt því að skora rétt áður en Robin van Persie kom okkur aftur yfir. Valencia gerði vel á hægri kantinum og gaf flottan bolta fyrir sem Robin van Persie tók á lofti. Hann skaut reyndar beint á markið og í gegnum markmann Leverkusen sem gerði sitt versta í markinu og inn fór boltinn.
Eftir varnarmistök kláraði Rooney svo leikinn með sínu öðru marki og sínu 200. fyrir félagið. Hann var aftur að verki þegar hann lagði upp fjórða mark United eftir frábæra skyndisókn. Antonio Valencia skoraði það mark og fagnaði vel og innilega með því að minnast á Chucho Benitez, liðsfélaga sinn með landslið Ekvador og fyrrum leikmann Birmingham er lést fyrir skömmu. Leverkusen lagaði stöðuna aðeins eftir hornspyrnu og lokatölur því 4-2. Robin van Persie fékk reyndar frábært tækifæri til að skora fimmta mark leiksins þegar hann skaut framhjá um það bil 25 cm frá opnu marki. Engu að síður, 4-2 sigur niðurstaðan og flott frammistaða í þessum opnunarleik David Moyes í Meistaradeildinni.
Þetta var mjög skemmtilegur leikur og gaman að horfa á United í þessum leik. Ég er sannfærður um að í leiknum höfum við fengið að sjá það leikskipulag sem David Moyes hyggst nota í vetur og við ræddum m.a. annars um í þessum pistli. Er það einhvernveginn svona:
Það sást í leiknum að Kagawa var stillt upp á vinstri kant en hann fékk samt leyfi til að færa sig inn á miðjuna þar sem hann eyddi mestum hluta leiksins. Það er sú staða þar sem hann kann best að spila og þar sem hann nýtist mest. Í fyrri hálfleik var hann sprækur við að sækja og fá boltann. Í seinni hálfleik var hann ekki jafn áberandi enda augljóslega orðinn þreyttur sem rennur stoðum undir það að hann sé einfaldlega ekki í fullkomnu leikformi. Það að Kagawa dró sig inn á miðju gerði það að verkum að Evra þurfti að kovera allan vinstri kantinn sem hann gerði vel og lagði m.a. upp fyrsta markið. Fellaini koveraði svo fyrir Evra þegar hann fór upp kantinn. Smalling færði svo svo nær miðvörðunum þannig að við vorum með nánast þriggja mannar varnarlínu með þá Carrick og Fellaini fyrir framan.
Það að hafa Fellaini þarna er lykilinn að öllu þessu. Hann datt niður og var eins og veggur á miðjunni og dekkaði t.d. Sidney Sam út úr leiknum sem frelsaði Evra, hann gat leyft sér að sinna sóknarhlutverkinu sem hann varð að gera til að skapa breidd á vellinum, enda Kagawa að spila meira á miðjunni. Þetta virkaði vel og ég er sannfærður um að þegar Kagawa verður kominn í fullt leikform og menn farnir að venjast þessari uppstillingu mun liðið komast á blússandi siglingu. Ég hvet menn til þess að fylgjast með þessu og sjá hvort þetta verði ekki rauninn á næstunni.
Allt í allt virkilega örugg frammistaða hjá okkar mönnum, mjög evrópukeppnisleg ef svo má að orði komast og traustvekjandi að Moyes hafi stillt leiknum rétt upp. Vissulega voru Bayern Leverkusen-menn ekkert sérstaklega öflugir í þessum leik en það má að mikli leyti skýra með því hvað okkar leikmenn voru þéttir og öruggir í sínum aðgerðum.
Liðið stóð sig allt vel og vann virkilega vel saman sem heild. Mér fannst Smalling góður og Fellaini var öflugur varnarlega. Hann átti þónokkuð margar feilsendingar í leiknum en vann upp fyrir það með að brjóta upp sóknir Leverkusen. Antonio Valencia var virkilega góður í þessum leik og minnti mann á hvernig hann spilaði á þarsíðasta tímabili. Maður leiksins var þó klárlega Wayne Rooney. Hann skoraði 2 mörk og lagði upp eitt og var hreinlega allt í öllu. Moyes er að ná góðum frammistöðum út úr honum þrátt fyrir farsan í sumar. Það var svo meistaralega gert hjá Moyes að skipta honum útaf eftir þessa frammistöðu. Rooney vill vera elskaður og spilar best þegar hann finnur fyrir því að stuðningsmennirnir dá hann. Hann fékk dúndrandi lófaklapp fyrir frammistöðu sína og þetta hefur kveikt í honum fyrir leikinn gegn City og vonandi heldur hann áfram uppteknum hætti að skora gegn City um helgina.
Magnús Þór skrifaði þann | 4 ummæli
Þá er komið að fyrsta meistaradeildarleik David Moyes sem stjóri Manchester United. Hann stjórnaði Everton í umspili um sæti í riðlakeppninni 2005-06 en tapaði báðum leikjunum gegn Villarreal 2-1, samtals 4-2. United hafa oft átt auðveldari riðla í þessari keppni og á Ferguson að hafa sagt að þetta sé erfiðasti riðill United til þessa. Þó þetta séu ekki stærstu og bestu lið sinna deilda fyrir utan Shakhtar Donetsk sem reyndar hafa misst töluvert af leikmönnum í sumar, Fernandinho til City og Henrikh Mkhitaryan til Dortmund bera þar hæst. Real Sociedad voru ef ég man rétt ríflega 30 stigum á eftir meisturum Barcelona í spænsku deildinni síðasta tímabil en spænsk lið eru mjög teknísk og geta reynst okkur erfið.
Bayer Leverkusen hafa ekki verið rosalega áberandi undanfarin ár en margir muna eflaust eftir 2001-02 tímabilinu þar sem þeir náðu frekar svekkjandi þrennu, voru í 2. sæti í bundesligunni, meistaradeild og bikar. Það sama tímabil vorum við slegnir út af þeim í undanúrslitum meistaradeildarinnar, 2-2 jafntefli á Old Trafford og 1-1 jafntefli á þeirra heimavelli.
Þá að okkur liði, Phil Jones verður ekki með vegna meiðsla og Rafael líklega einnig. Ég ætla að spá United annað kvöld svona:
United tók á móti Crystal Palace kl 11:45 á Old Trafford í dag í fínum leik. Það var ljóst frá fyrstu mínútu að United ætlaði að skora mörk í dag er liðið tók öll völd á vellinum sem það hélt út leikinn. Leiknum lauk með tvö núll sigri United sem hefði hæglega getað orðið mun stærri.
Liðið er hægt og rólega að komast í gír og líst mér ágætlega á okkar möguleika þetta árið. Byrjunarliðið var þannig skipað hjá United:
og á bekknum voru Amos, Evans, Chicharito, Cleverley, Zaha, Fellaini, Januzaj. Stóru fréttirnar voru þær að Rooney var óvænt kominn til baka, eftir að hafa fengið virkilega ljótan skurð og fór hann beint í byrjunarliðið. Fabio og Anderson fengu einnig tækifæri í byrjunarliðinu á meðan nýji maðurinn Fellaini byrjaði á bekknum. Einnig vakti það furðu að Kagawa, Nani og Welbeck voru ekki í liðinu. Moyes gaf það út að Kagawa væri með flensu og fékk hann því frí í dag. Ég gat ekki fundið út af hverju Nani og Welbeck voru ekki en leyfi mér að halda að það hafi verið vegna smávægilegra meiðsla úr landsleikjabreikinu.
Fyrra markið skoraði Robin Van Persie rétt undir lok fyrri hálfleiks úr víti (GIF) eftir brot Dikgacoi á Ashley Young sem Dikgacoi fékk að líta rauða spjaldið fyrir. Seinna markið kom á 81′ mín úr aukaspyrnu sem Rooney nýtti svona snilldarlega. (GIF1 & Gif2)
Hér eru mínar helstu athugasemdir varðandi leikinn í dag:
Vá, þvílíkt deibjú hjá drengnum. Hann fékk 27 mínútur í dag og frábært að sjá hversu vel hann nýtti þær. Flestir stuðningsmenn United voru (skiljanlega) mest spenntir fyrir því að sjá Fellaini á miðjunni fyrir United en þessi átján ára gutti kom og stal senunni, amk í mínum huga. Þessi strákur er þvílíkt efni, með gríðarlegt sjálfsöryggi og aðeins átján ára! Verður ekki sagt annað en að framtíðin er björt á kantinum hjá United ef það rætist úr Adnan og Zaha. Fyrir áhugsama þá er hér fín grein um drenginn.
Valencia og Fabio stóðu einnig upp úr hjá mér í dag. Frá því að tvíburabræðurnir voru keyptir til United hef ég verið gríðarlega spenntur að sjá þá blómstra fyrir liðið og á sama tíma vonsvikinn að sjá hvað Fabio hefur fengið takmörkuð tækifæri hingað til (hjálpar að sjálfsögðu ekki að hann er að keppa við Patrice Evra um byrjunarliðssæti). Hann fékk hinsvegar tækifæri í dag sem hægri bakvörður (sem er staða bróður hans) og var hann hrikalega öruggur varnalega sem og sóknarlega þar sem hann og Valencia náðu að spila afspyrnu vel saman. Talandi um Valencia, er hann kominn aftur? Það sem ég sá frá honum í dag minnti mig á það af hverju hann var keyptur. Hann var óhræddur að sækja og reyna skapa færi sem ég hef saknað í svo langan tíma. Haltu þessu áfram drengur!
Ég ætla að játa það, ég er gríðarlega ánægður með þessi kaup hjá United. Hann var fljótur að stimpla sig inn í liðið við hliðina á Carrick á miðjunni. Nú fær Carrick tækifæri til að einbeita sér meira að sóknarleiknum á meðan Fellaini sér um að vera nautið á miðjunni. Ég er fullviss um að hann verði fljótlega orðinn einn af fyrstu nöfnunum sem við fáum að sjá í byrjunarliðinu. Að auki gefur þetta Moyes tækifæri á að hvíla Carrick í einhverjum leikjum í vetur. Hugsið ykkur aðeins út í hvernig þetta þetta var áður en hann var keyptur, ef Carrick hefði lent í einhverjum meiðslum þá væri miðjan okkar alveg skuggalega döpur sem hefði líklega þýtt það að Rooney yrði færður á miðjuna á ný (urrrr). Þannig að ég er ánægður og spenntur. Ég vil sjá Fellaini í byrjunarliðinu gegn City um næstu helgi.
Við fengum svo sannarlega það besta og versta frá Ashley Young í dag og var hann án efa óvinsælasti leikmaður vallarins, amk hjá stuðningsmönnum Palace. Í fyrri hálfleik var hann afspyrnu dapur, sífellt að klúðra boltanum og átti svo alveg skelfilega dýfu sem dómarinn sá vel og gaf honum verðskuldað gult spjald. Í seinni hálfleik mætti á völlinn allt annar leikmaður. Þarna var leikmaðurinn sem allir voru að vonast eftir, flott hlaup inn í teig og oft á tíðum alveg frábærar sendingar. Nú vonar maður bara að leikmaðurinn sem mætti í seinni hálfleik verði sá sem við fáum að sjá oftar á þessu tímabili, annars kemur Nani, Januzaj eða Zaha til með að eigna sér stöðuna.
Að mínu mati var Rooney besti leikmaður liðsins í dag. Frábær í sókninni, hrikalega duglegur að vinna boltann aftur sem og að pressa leikmenn Crystal Palace. Hann átti svo innilega skilið eitt mark sem hann fékk með gullfallegu marki úr aukaspyrnu sem Adnan hafði unnið fyrir liðið. Vonandi heldur þetta áfram. Fólk getur verið fúlt út af því hvernig hann hefur hegðað sér en enginn getur neitað því hversu mikilvægur leikmaður hann er fyrir United. Mín helsta ósk er að hann skrifi undir nýjan samning og ljúki þessum leiðindum.
Og já eitt að lokum. Rooney, nenniru vinsamlegast að hætta reyna chippa markmennina! Það eru orðin sex ár síðan þú síðast náðir að skora svona mark (Þetta gullfallega mark gegn Portsmouth í FA Bikarnum) og það er alveg nóg, sérstaklega þegar þú klúðrar svona dauðafæri.
Flott þrjú stig fyrir liðið. Næsti leikur verður spilaður á þriðjudaginn er Bayer Leverkusen kemur í heimsókn á Old Trafford í meistaradeildinni. Ég enda þessa leikskýrslu á skemmtilegri staðreynd um Van Persie sem ég fékk frá @InfostradaLive:
RVP has now hit the woodwork 30 times in the PL since start of 08/09, almost 2x as many as the next players – Torres, Gerrard (16).
Þá er komið að því góðir hlustendur! Nýtt tímabil, nýr stjóri, nýir leikmenn og svo nýr, ferskur og endurnærður Ellioman mættur á svæðið til að tækla það helsta sem viðkemur liðinu með félögum mínum hérna á raududjoflarnir.is. Vinsamlegast festið sætisólarnar því nú hefst fjörið!
Við hefjum þessa umfjöllun með því að athuga það helsta sem hefur gerst síðustu tvær vikur á meðan við biðum eftir endalokum landsleikjabreiksins. Sjáum nú til, hvað hefur gerst? hmm… Jú heyrðu, við keyptum loksins miðjumann! Já, þið heyrðuð rétt. Manchester United keypti miðjumann. Slíkt hefur ekki gerst í háa herrans tíð eða síðan 2007(!) þegar United keypti Owen Hargreaves frá Bayern Munich (verð alltaf leiður þegar hugsa út í hversu góður leikmaður hann hefði getað orðið fyrir liðið ef hann hefði sloppið við meiðsli). United keypti hárfagra naglann frá Everton sem nefndur var Maroune Fellaini. Fyrir þá sem vilja kynnast honum frekar, þá vísa ég ykkur á greinina hans Magga um kappann og fyrir þá sem vilja svo taka þetta skrefinu lengra þá getið þið pælt í leikaðferðum og uppstillingarmöguleikunum sem fylgja þessum kaupum Moyes. Ef þið hafið svo áhuga á því hvernig okkar mönnum gekk í landsleikjabreikinu, skoðið þá þess grein og einnig þessa hér.
En nóg um þetta, færum okkur yfir í leik helgarinnar. Á morgun kl 11:45 taka rauðu djöflarnir á móti Crystal Palace á Old Trafford. Á þessari leiktíð hafa drengirnir hans Ian Holloway spilað þrjá deildarleiki, gegn Tottenham(h), Stoke(a) og Sunderland(h) og fengu þeir einungis þrjú stig út úr þeim viðureignum með sigri á Sunderland í síðasta leik. Að auki spiluðu þeir gegn Bristol City(a) í Capital One bikarnum og endaði sá leikur með 2-1 tapi. Sumsé ekki draumabyrjunin hjá Lundúnarliðinu.
Liðin hafa mæst 42 sinnum í gegnum árin og hefur United unnið tuttugu og sex sinnum, níu jafntefli og Palace unnið sjö sinnum. Á Old Trafford er þetta enn betra þar sem liðið hafa mæst 21 sinni og United unnið 16 sinnum og tvisvar gert jafntefli og með markahlutfallið +29.
Þessi leikur klessist á milli þriggja stórleikja hjá United. Síðast mættum við Liverpool á útivelli og hefðum með öllu réttu átt að enda með eitt eða þrjú stig en engin stig voru raunin. Á þriðjudaginn mætum við Bayer Leverkusen í fyrsta leik United í meistaradeildinni og um næstu helgi fara leikmennirnir á Etihad völlinn og kljást þar við erkifjendurna í Manchester City. Ágætis prógram ekki satt? Eftir City leikinn mætir United ekki stórliði fyrr en tíunda nóvember þegar Arsenal kemur í heimsókn.
Er ég skoða veðmálasíðunar, þá er besti stuðull sem ég get fundið á United sigur 1.25, Á jafntefli 7.2 og Crystal Palace sigur 16.5. Við getum þar með nokkuð greinilega gert ráð fyrir því að flestallir búist við sigri okkar manna á morgun.
Ég ætla hinsvegar að gerast svo djarfur að spá markaleik á morgun. Sé United alveg fyrir mér skora 3+ mörk í þessum leik og miðað við stuðið á Van Persie þessa dagana þá verður hann líklega eigandi af meirihluta þeirra. Mín helsta ósk fyrir þennan leik er að fá að sjá nýja manninn, Fellaini spila ásamt því að gefa Zaha nokkrar mínútur gegn sínu gamla liði og Kagawa tækifæri ef hann er ekki að díla við flugþreytu eftir landsleikjatúrinn.
Samkvæmt Physioroom (sem þið einnig séð hér á Rauðu Djöflunum punktur is) þá munu Phil Jones og Rafael snúa til baka á morgun en Rooney og að sjálfsögðu Fletcher ekki tilbúnir.
Holloway er hinsvegar ekki í eins góðum málum. Átta leikmenn eru á meiðslalistanum: J. Williams, J. Hunt, J. Parr, P. McCarthy, L. Price, Y. Bolasie, J. Thomas og G. Murray. Þrátt fyrir þessi fjöldameiðsli, þá er þetta sami hópur og kom á Old Trafford árið 2011 og sló United út úr Carling Cup.
Annars er þetta bara nokkuð standard 2013/2014 United lið sem ætti undir öllum eðlilegum kringumstæðum að sigra Palace nokkuð örugglega og spila flottan bolta.
Marouane Fellaini
With Everton and the Chairman, you never know. Sometimes, I thought there was no chance that I could join United. I so happy when the Chairman accepted the deal, I talked with the manager [Roberto Martinez] because it was a big opportunity for me to join one of the biggest clubs in the world. My objective is to win trophies. I play football for this. With Man United, I have a big chance to win something.
It was a great week for me. It was nervous on Monday, but I have my transfer and I won with Belgium, so I’m happy, when I started the campaign with Everton, I looked forward for a transfer and in the end I am happy. I look forward to playing with the players. I need to work hard for my place. I want to win something with Manchester. I want to play a lot of games and win a trophy. It will be tough, every year it is tough for the big teams. But I think Manchester United have quality to win the trophy. I look forward to this. It’s a big step for me. But I have played for five years in England, I know the league and I know the players, so I don’t think I will have a problem with this move.
David Moyes
We wanted to try and get Leighton Baines, We didn’t want to give up on Leighton Baines right up until the last minute. Our aim was to try and keep the two deals together and it was only at the last minute that we decided to split the two deals. We felt that was the best way to do it.
Nani
I am very content with my new deal at Manchester United, this summer was not easy but, after a lot of thought and talking to David Moyes, I believe it was the best solution. I feel I can offer many things to United. I had other important offers, but without a sufficient challenge to make me want to leave United. The coach would not guarantee me a place more than any other player. I know I must work hard to get into this team. That is my objective for this season.
Ian Holloway
I think it is an honour going to Man United, whatever time it is, whoever the manager is, whoever is in charge. At this moment in time they are in a transitional period. They’ve got a new manager, who was chosen by the last one – you don’t get much better on your resume than that. To hear ‘I want him to replace me’ must be an honour. But the fact of the matter is David has to make his mark on Manchester United – I’ve got to make my mark on Crystal Palace. Is it a good time to play them? I will tell you after the game.
ps.
Fyrir aðdáendur spaka mannsins, þá mætir hann aftur galvaskur til leiks í næstu upphitun!
Vertu með í Fantasy leiknum okkar!