Þá er komið að þriðju umferð í H riðli Meistaradeildarinnar þar sem tyrknesku meistararnir í Istanbul Başakşehir taka á móti Rauðu djöflunum heima í Tyrklandi. United trónir á toppi riðilsins með fullt hús stiga og +6 í markatölu eftir glæsilega sigra á PSG og RB Leipzig en Meistaradeildin virðist vera eini vígvöllurinn sem hentar United þessa stundina. Mótherjinn er sá sem á pappír gæti virst auðveldasta viðureignin en það hafa einmitt reynst erfiðustu bitarnir fyrir Ole Gunnar Solskjær og hans menn. Hvort þeim norska reynist erfitt að peppa menn upp í minni leikina eða leikmenn einfaldlega séu að ofmetnast/vanmeta andstæðinginn er álitamál en hitt er næsta öruggt að enginn leikur getur lengur talist skyldusigur fyrir United eins og liðið er að spila í dag.
Meistaradeild Evrópu
Manchester United 5:0 RB Leipzig
Manchester United vann stórkostlegan 5-0 sigur á RB Leipzig í öðrum leik H-riðils, í Meistaradeild Evrópu í kvöld. Marcus Rashford kom inná um miðbik seinni hálfleiks og skoraði þrennu í fyrsta sinn á ferli sínum hjá United. Magnað!
1De Gea3Shaw5Maguire2Lindelöf29Wan-Bissaka31Matic6Pogba17Fred34van de Beek11Greenwood9Martial
Bekkur: Henderson, Fosu-Mensah, Mengi, Tuanzebe 81′, Williams, Fernandes 68′, James, Mata, McTominay 63′, Cavani 81′, Ighalo, Rashford 63′
Manchester United mætir RB Leipzig í fyrsta sinn
Það gerist æ sjaldnar að Manchester United bjóði nýja gesti velkomna í Leikhús draumanna, en sú er þó raunin þegar liðið fær þýska liðið RasenBallsport Leipzig e.V., eða einfaldlega RB Leipzig í heimsókn. Ástæðan er margþætt, en helsta ástæðan kannski þó sú að gestaliðið er ekki nema 11 ára gamalt! Félagið var stofnað 2009 og hefur upprisa liðsins verið hröð síðan þá. Svo hröð að liðið komst alla leið í undanúrslit Meistaradeildarinnar á síðustu leiktíð, en laut þar í lægra haldi fyrir uppáhalds fórnarlömbum okkar – Paris Saint Germain.
PSG 1:2 Manchester United
Gestgjafarnir í París pöntuðu Manchesterborgar rigningu fyrir Meistaradeildarkvöldið í kvöld til að gestunum frá United liði eins og heima hjá sér. Þar að auki klæddist United hinni umdeildu þriðju treyju liðsins, sem minnir óneitanlega á zebrahesta, í fyrsta skiptið í keppnisleik og það var eins og það væri skrifað í skýin að kvöldið yrði á einhvern hátt eftirminnilegt.
PSG annað kvöld
Annað kvöld hefst riðlakeppni Meistaradeildar Evrópu. Manchester United snýr aftur eftir árs fjarveru. Síðasti sigurleikur United í Meistaradeildinni kom einmitt á Parc des Princes en þar fer viðureign liðanna fram annað kvöld.
PSG
Paris Saint-Germain byrjaði tímabilið heima fyrir frekar brösluglega. Liðið byrjaði með ósannfærandi töpum en hefur verið að koma til og hefur unnið 5 leiki í röð og situr í 2. sæti Ligue 1. PSG hefur ekki bara verið verið óheppið með meiðsli leikmanna heldur voru líka að koma upp Covid smit í hópnum. Síðasti leikur liðsins var sannfærandi 0:4 sigur á Nimes á útivelli.