Eftir jafnteflið gegn Stoke á laugardaginn kemur fyrsti heimaleikurinn sem má á pappír telja erfiðan. Everton bætti rækilega við sig í sumar og keypti leikmenn fyrir 140 milljónir punda og þar á meðal auðvitað dýrastan Gylfa Sigurðsson á 45 milljónir. Að auki keyptu þeir Michael Keane, Jordan Pickford, Davy Klaasen frá Ajax og kantmanninn Nicola Vlasic. En síðast en ekki síst gekk Wayne Rooney til liðs við uppáhaldsliðið sitt aftur eftir að hafa verið 13 ár í útlegð hjá Manchester United og þurft að fela það að allan tímann svaf hann í Everton náttfötunum sínum. Everton styrkti þannig lið sitt verulega í marki, vörn og miðju en með því að þeir seldu auðvitað sinn besta sóknarmann, Romelu Lukaku til United þá verður að segja að sóknin var veikari fyrir vikið.
Wayne Rooney
Drengurinn frá Liverpoolborg
Wayne Rooney var aðeins 18 ára gamall þegar hann kom til Manchester United frá Everton. Nú, 13 árum síðar, snýr Rooney aftur til Everton sem markahæsti leikmaður enska landsliðsins sem og markahæsti leikmaður í sögu Manchester United. Það kom víst ekkert annað en Everton til greina hjá Rooney – frægð og frami í Bandaríkjunum eða hafsjór af peningum í Kína heilluðu ekki drenginn frá Liverpoolborg – hann vildi bara fara heim á Goodison Park.
Wayne Rooney kveður Manchester United *staðfest*
#FarewellToALegend@WayneRooney is leaving #MUFC to return to Everton: https://t.co/QQrxKB2wo4
Thank you, Wayne, from all of us. pic.twitter.com/34NErAvscX
— Manchester United (@ManUtd) July 9, 2017
Wayne Rooney er búinn að kveðja Manchester United og einum glæstasta ferli leikmanns hjá Manchester United er lokið.
Wayne Rooney tribute by Sky Sports. Worth a watch! #MUFC pic.twitter.com/Yk0NBhXJd0
Djöflavarpið 40. þáttur – Lukaku að verða leikmaður Manchester United?
Maggi, Halldór, og Tryggvi settust niður og ræddu kaupin á Romelo Lukaku og brottför Wayne Rooney til Everton. Einnig var rætt um Nemanja Matic og Ivan Perisic og hvaða kaup muni eiginlega fylgja í kjölfarið.
Hægt er að hlusta á þáttinn í spilaranum hér fyrir ofan auk þess sem hægt er að hala honum niður í gegnum spilarann eða hér að neðan. Jafnframt má gerast áskrifandi að þættinum í gegnum ýmis podkast-forrit:
Manchester United 2:0 Crystal Palace
Það var fallegt sumarveður í Manchesterborg í dag. Sólin skein og andrúmsloftið á Old Trafford var jákvætt. José Mourinho var búinn að gefa það út að rjóminn af yngri leikmönnum félagsins myndu fá tækifæri til að spila á þessum magnaða heimavelli. Gengið í deildinni í vetur var ekkert annað hörmung en samt var allt svo jákvætt eitthvað í dag.
Embed from Getty Images
Manchester United byrjaði þennan leik gríðarlega vel en þetta var yngsta byrjunarlið í sögu ensku úrvalsdeildarinnar. Ungu strákarnir voru staðráðnir í því að sýna hvað í þeim býr. Það tók ekki langan tíma fyrir United að brjóta ísinn en Josh Harrop skoraði sitt fyrsta mark fyrir Manchester United á 15.mínútu með nettum tilþrifum eftir geggjaða utanfótarsendingu frá Paul Pogba. Pogba skoraði svo sjálfur fjórum mínútum síðar eftir mistök hjá varnarmanni Crystal Palace. Virkilega gaman að horfa á þetta United lið í þessum leik sem var nokkurn veginn það sem gestirinir frá Lundúnum gerðu í dag. Demetri Mitchell heillaði mig mikið í dag en hann lék í vinstri bakverðinum.