Á síðasta degi ársins kemur Middlesbrough í heimsókn á Old Trafford. Middlesbrough situr nú í 15. sæti deildarinnar og hefur gengið frekar brösuglega undanfarið en þó sigrað tvö neðstu liðin, Hull og Swansea. Það er því um að ræða skyldusigur á morgun, ekki síst til að viðhalda góðu gengi undanfarið. Og um leið og ég skrifa orðið ‘skyldusigur’ þá fer auðvitað um mig kaldur hrollur, því reynsla síðustu ára hefur auðvitað verið sú að slíkir leikir hafa reynst örgustu bananahýði.
Enska úrvalsdeildin
Manchester United 3:1 Sunderland
Það verður seint sagt að endurkomu David Moyes á Old Trafford hafi verið beðið eftir með mikilli eftirvæntingu. Flestir vilja sjálfsagt gleyma því að hann hafi nokkurn tímann stýrt Manchester United. En hann hefur það víst á ferilskránni og var mættur á sinn gamla heimavöll í dag með John O’Shea og félaga í Sunderland. Gamli squadplayerkóngurinn O’Shea var þó á bekknum í dag. Byrjunarlið Manchester United í leiknum var á þessa leið:
Sunderland kemur í jólaheimsókn
Rauðu djöflarnir óska öllum lesendum síðunnar gleðilegra jóla.
Það er komið að jólafótboltanum. Annar dagur jóla og það verða spilaðir 8 leikir í 18. umferðinni. Fyrri hluti tímabilsins er að klárast og þessi leikur er upphafið að leikjatörn þar sem Manchester United spilar 3 leiki á viku. Hin liðin gera það auðvitað líka og fá mislangan tíma á milli leikja eins og gengur og gerist.
West Bromwich Albion 0:2 Manchester United
Loksins kom að því að maður horfði á þægilegan deildarleik með Manchester United. Þeir hafa ekki verið margir svona leikir í vetur, síður en svo, en í dag hafði maður í raun aldrei áhyggjur af stöðu mála. Eitthvað sem ég bjóst ekki við þegar ég vaknaði í morgun enda hafa WBA verið að spila ágætan (vöðva)bolta í vetur.
Mourinho stillti upp liðinu svona í dag:
Heimsókn til Tony Pulis
Á morgun fer José Mourinho með sína menn í heimsókn á The Hawthorns. Þar munu þeir etja kappi við Tony Pulis og lærisveina hans. Pulis hefur verið í fréttunum undanfarið útaf dómsmáli sem tengist veru hans hjá Crystal Palace.
Embed from Getty Images
Það verður þó ekki sagt að dómsmálið hafi haft áhrif á hans menn í West Bromwich Albion en þeir eru aðeins sæti neðar en Manchester United í töflunni, með fjórum stigum minna. Markatala liðanna er líka keimlík en W.B.A hefur skorað einu marki meira en fengið á sig tveimur mörkum meira en United liðið. Það er því hörkuleikru framundan!