Næstu mótherjar okkar verða Stoke en þeir sækja United heim í síðari deildarviðureign liðanna á mánudagskvöld klukkan átta. Fyrri leikurinn sem fór fram á bet365 vellinum endaði með 2-2 jafntefli þar sem Eric Maxim Choupo-Moting átti frábæran dag og sá til þess að United tapaði sínum fyrstu stigum í deildinni. Þessi leikur ásamt sterkum 1-0 sigri á Arsenal í annarri umferð virðast vera einu ljósu punktarnir á yfirstandandi leiktíð enda fór gengi liðsins snarlega versnandi og að lokum var Mark Hughes látinn taka pokann sinn eftir tæp fimm ár sem knattspyrnustjóri Stoke. Sparkið fékk hann eftir 2-1 ósigur gegn d-deildarliðinu Coventry City í FA bikarnum í síðustu viku sem var mikill skellur fyrir Stoke.
Enska úrvalsdeildin
Everton 0:2 Manchester United
Það voru erfiðar aðstæður í Liverpool, rigning og rok og leikurinn var lengi vel ekki mikið fyrir augað.
United var án Lukaku og stillti upp í 4-3-3.
Varamenn: Romero, Blind (87′), Darmian, Smalling, Tuanzebe(92′), Mkhitaryan, Rashford (78′)
Gylfi Sigurðsson var á bekknum hjá Everton en fékk ekki tækifæri.
United komst lítt áfram gegn Everton í byrjun og hápressa þeirra síðarnefndu virkaði vel. Pogba spilaði vinstra megin á miðjunni og kom vel fram til að styða fremstu þrjá. Hann hafði samt ekki erindi sem erfiði þegar hann átti góða rispu inn í teig og gaf svo út, Herrera steig yfir boltann viljandi en það var enginn United maður til að klára.
Nýtt ár, ný byrjun? Everton á nýársdag
Vonbrigði jólanna héldu áfram í gær og innan við 48 tímum eftir að United menn gengu af velli með eitt lélegt stig gegn Southampton í höndum þurfa þeir að fara til Liverpool og taka á móti Everton.
Everton byrjaði leiktíðina auðvitað hrottalega illa og Ronald Koeman missti starfið og við tók stóri Sámur Allardyce og hann hefur hrist upp í liðinu svo um munar og komið því upp í miðja deild. Frá því Allardyce tók við hefur liði tapað tveimur leikjum, öðrum þeirra reyndar í gær þegar liðið tapaði 2-1 fyrir Bournemouth. Kannske má vona að ferðin frá suðurströndinni þreyti Everton aðeins. Þar á undan gerði liðið tvö núll núll jafntefli, við Chelsea á Goodison og West Bromwich úti, þannig að aðeins hefur hægt á velgegninni sem Allardyce kom með, og markaskoruninni hjá Wayne Rooney. Rooney kom inná í gær þannig það má búast við honum í byrjunarliði á morgun. Ross Barkley er sagður nálægt því að koma aftur eftir meiðsli en Maarten Stekelenburg, Leighton Baines, Seamus Coleman og Ramiro Funes Mori eru allir meiddir.
Manchester United 0:0 Southampton
Markalaust jafntefli var niðurstaðan í dag. Þessi leikur var skelfilega leikinn af United. Southampton voru bara skítsæmulegum framherja frá því að vinna þennan leik. Henrikh Mkhitaryan var algjörlega hörmulegur í dag og virtist alltaf taka röngu ákvörðunina. Hann gerði það svo oft að það hlýtur að hafa verið meðvitað. Það markverðasta sem gerðist hjá Manchester United í öllum leiknum var þegar bera þurfti Romelu Lukaku af velli eftir hann virtist rotast eftir samstuð við leikmann Southampton og missir amk af næstu 2 leikjum. Hin sorglega staðreynd að David de Gea sé langbesti leikmaður United á vellinum trekk í trekk er ekkert nema áhyggjuefni. Klúbbur af þessari stærðargráðu á ekki að þurfa að stóla á markvörðinn sinn einfaldlega til að forðast niðurlægjandi úrslit. Vörnin var frekar virkaði ekkert alltof stabíl og ef Shane Long væri betri leikmaður þá hefði hann refsað í dag í staðinn fyrir að láta De Gea sjá alltaf við sér.
United fær Southampton í heimsókn
Eftir hreint útsagt ömurlega törn þar sem liðið var slegið út úr Carabao-bikarnum og kæruleysislega leikna viðureignir gegn Leicester og Burnley í úrvalsdeildinni er komið að heimsókn frá Southampton. Gestirnir hafa langt frá því verið að brillera í vetur og sitja í 14.sæti deildarinnar og aðeins 3 stigum frá fallsæti. Nokkuð öruggt er að hin rándýrir Virgil van Dijk verði utan hóps enda er hann aðeins 2,5 degi frá þvi að verða leikmaður Liverpool. Annar leikmaður sem verður pottþétt ekki með er framherjinn Charlie Austin en hann er að afplána 3 leikja bann ásamt því að glíma við meiðsli. Þá er hægri bakvörðurinn Cedric Soares fjarri góðu gamni og svo er landsliðsmaðurinn Ryan Bertrand spurningarmerki.