Rauðu djöflarnir

Upphitun

Enska úrvalsdeildin

West Ham seinni partinn

skrifaði þann | 3 ummæli

Rétt fyrir kvöldmat á eftir mætir United á London Stadium og tekst á við West Ham. Leikurinn við PSG á þriðjudaginn situr vonandi ekki um of í okkar mönnum, en við á Rauðu djöflunum höfum tekist á við hann bæði í podkasti vikunnar og í rýni Zunderman í gær.

Upphitunin er því í seinna lagi en það kemur ekki að sök. Uppsláttur dagins er auðvitað sá að United er nú að mæta fyrrum stjóra. Þetta er svolítið einkennilegt að vera alltaf að hitta fyrir fyrrverandi stjóra, nokkuð sem varla kom fyrir í um 20 ár, en svona hefur hringekjan verið á Old Trafford. David Moyes hefur verið að gera fína hluti hjá West Ham og liðið situr í fimmta sæti. En það er sýnir vel hversu óráðið er að vilja reka okkar ágæta Ole út frá frammistöðu, að United er aðeins stigi á eftir West Ham og með leik til góða. Ef þessi leikur, gegn Aston Villa ynnist á pappírnum í dag, þá er United í fjórða sæti, með lakari markatölu en Chelsea. Svo slæmt er það nú. Lesa meira

Enska úrvalsdeildin

Hádegis leikur í Guttagarði

skrifaði þann | 4 ummæli

Á morgun skella okkar menn sér í rútuferð yfir til Liverpool og spila við Everton á Goodison Park. Aðeins tveimur og hálfum sólarhring eftir afhroðið í Istanbul og langt ferðalag. Þar þurfa okkar menn að hysja upp um sig og sýna hvað í þeim býr og ná í sigur ef ekki á að sturta ný höfnu tímabili í úrvalsdeildinni algjörlega niður. Fimtánda sæti og sjö stig eftir sex spilaða leiki er langt frá því að vera ásættanlegt. Það verður hinsvegar við ramman reip að draga þar sem bláliðar í Guttagarði hafa staðið sig mjög vel í byrjun tímabilsins en fatast flugið þó í síðustu leikjum. Carlo Ancelotti fékk að rífa upp veskið í sumar og setja en meira sitt handbragð á liðið sem virðist hafa gengið upp með fínum árangri það sem af er. Ekki hefur gengið vel gegn Everton síðustu þrjú skipti sem við höfum mætt þeim, tvö 1-1 jafntefli og svo 4-0 rasskelling. Ole þarf að ná í þrjú stig og fá góða framviðstöðu frá leikmönnum sínum. Ef ekki, þá mun orðrómur um brottrekstur verða en hærri heldur en nú er.  Lesa meira

Meistaradeild Evrópu

Manchester United mætir RB Leipzig í fyrsta sinn

skrifaði þann | 1 ummæli

Það gerist æ sjaldnar að Manchester United bjóði nýja gesti velkomna í Leikhús draumanna, en sú er þó raunin þegar liðið fær þýska liðið RasenBallsport Leipzig e.V., eða einfaldlega RB Leipzig í heimsókn. Ástæðan er margþætt, en helsta ástæðan kannski þó sú að gestaliðið er ekki nema 11 ára gamalt! Félagið var stofnað 2009 og hefur upprisa liðsins verið hröð síðan þá. Svo hröð að liðið komst alla leið í undanúrslit Meistaradeildarinnar á síðustu leiktíð, en laut þar í lægra haldi fyrir uppáhalds fórnarlömbum okkar – Paris Saint Germain. Lesa meira

Meistaradeild Evrópu

PSG annað kvöld

skrifaði þann | 1 ummæli

Annað kvöld hefst riðlakeppni Meistaradeildar Evrópu. Manchester United snýr aftur eftir árs fjarveru. Síðasti sigurleikur United í Meistaradeildinni kom einmitt á Parc des Princes en þar fer viðureign liðanna fram annað kvöld.

PSG

Paris Saint-Germain  byrjaði tímabilið heima fyrir frekar brösluglega. Liðið byrjaði með ósannfærandi töpum en hefur verið að koma til og hefur unnið 5 leiki í röð og situr í 2. sæti Ligue 1. PSG hefur ekki bara verið verið óheppið með meiðsli leikmanna heldur voru líka að koma upp Covid smit í hópnum. Síðasti leikur liðsins var sannfærandi 0:4 sigur á Nimes á útivelli. Lesa meira

Enska deildarbikarkeppnin

Manchester United heimsækir Luton Town

skrifaði þann | Engin ummæli

Í kvöld fer fram viðureign Luton Town og Manchester United í þriðju umferð Carabao bikarsins. Á þessum Covid tímum voru margir og undirritaður einnig á því að þessari keppni mætti einfaldlega sleppa vegna mikils leikjaálags. Sú leið var ekki farin og því fáum við leik í kvöld á Kenilworth Road.

Ole Gunnar Solskjær var búinn að gefa það út að Dean Henderson muni standa á milli stanganna í kvöld og verður það spennandi að sjá. Einnig verða menn hvíldir sem spiluðu um helgina og einhverjir munu fá sénsinn á að koma sér í stand. Engin ný meiðsli eru í hópnum sem er gott að heyra. Eftir afspyrnu lélega frammistöðu á laugardaginn þá er ágætt að fá þennan leik til hjálpa liðinu að fá smá leikæfingu enda undirbúningstímabilið ekkert . Spurningin hverjir munu byrja þennan leik og hallast ég að þessu liði: Lesa meira